Транспартныя сродкі праязджаюць міма антыізраільскага банера, на якім — ізраільскія вайсковыя чыноўнікі з чырвонымі мішэнямі на тварах. Тэгеран, 3 красавіка, 2024 г. Фота: AP Photo/Vahid Salemi
Па дадзеных Al Mayadeen, Іран плануе камбінаваную атаку з «дажджом» беспілотнікаў і ракет, выпушчаных са сваіх баз па стратэгічных месцах у Ізраілі.
Як паведамляецца, Ізраіль паставіўся да папярэджання сурʼёзна. У краіне абвешчана мабілізацыя рэзервістаў, у першую чаргу заклікалі аператараў ізраільскай зенітна-ракетнай сістэмы «Жалезны купал». Узброеныя сілы краіны прыведзены ў поўную баявую гатоўнасць.
1 красавіка ВПС Ізраіля нанеслі ўдар па пасольстве Ірана ў сталіцы Сірыі. Загінулі не менш за сем чалавек, у тым ліку камандзір падраздзялення «Аль-Кудс» Корпуса вартавых ісламскай рэвалюцыі, генерал Махамад Рэза Захедзі.
Ізраільскія ўлады афіцыйна ніяк не каментавалі паведамленні аб удары. Выданню The New York Times у адміністрацыі Ізраіля на ўмовах ананімнасці пацвердзілі, што атаку здзейснілі вайскоўцы гэтай краіны. Суразмоўцы выдання настойвалі, што ў абʼекта, па якім нанеслі ўдар, не было статусу дыпламатычнай установы, і таму ён быў «законнай цэллю».
Чытайце таксама:
«Мы моцныя, мы вывезем». Тэлевядучы Яўген Булка вярнуўся ў Ізраіль і пайшоў працаваць чорнарабочым
Беларусь уваходзіць у лік краін з самым нізкім узроўнем тэрарызму
Арабскі свет не хоча дапамагаць агенцтву ААН, чые супрацоўнікі забівалі і выкрадалі ізраільцян
