Еўрапейскі парламент ухваліў закон аб штучным інтэлекце, які ўстанаўлівае патрабаванні да распазнавання твараў або да праграм для працы з тэкстам і выявамі, такім як ChatGPT, піша Bild.
Напрыклад, распрацоўшчыкі павінны будуць маркіраваць тэксты, гукі і выявы, створаныя з дапамогай штучнага інтэлекту, каб не ўводзіць людзей у зман.
Больш строгія правілы павінны прымяняцца да дадаткаў «з высокімі рызыкамі», такім як распазнанне твараў на вакзалах або ў іншых грамадскіх месцах. У будучыні спатрэбіцца рашэнне суду для выкарыстання такіх тэхналогій.
Па сутнасці законам забараняецца масавае сачэнне з выкарыстаннем біяметрычных даных, як гэта робіцца ў Кітаі.
Галоўны камісар ЕС па ўнутраным рынку Цьеры Брэтан назваў новыя правілы «гістарычнымі». Паводле яго слоў, гэта першы ў свеце закон аб штучным інтэлекце.
Чытайце таксама:
Хутка праграмісты стануць непатрэбныя, іх заменіць штучны інтэлект — кіраўнік NVIDIA
Саюзнікі збіраюцца перадаць Украіне тысячы дронаў са штучным інтэлектам
