Разбураны будынак рэстарана «Адрыятык». Фота: Новости Донбасса / Telegram
Як напісала расійскі ваенны карэспандэнт Юлія Андрыенка, пякарня знаходзілася ў кафэ. У суботу ў ім святкавалі дзень нараджэння гаспадара пякарні. На ім прысутнічала «вярхушка МНС, пракуроры, дэпутаты мясцовыя».
У выніку абстрэлу загінула 28 чалавек, яшчэ дзесяць было выратавана з-пад завалаў. Па ўдакладненых звестках, пад удар патрапіў будынак рэстарана «Адрыятык».
Па інфармацыі ўкраінскай гарадской адміністрацыі Лісічанска, пякарня ў гэтым месцы стала функцыянаваць ужо пасля акупацыі горада. Там наладзілі выпечку хлеба для расійскіх войскаў. Акрамя гэтага, у рэстаране праводзіліся нарады.
Як пішуць самі расійскія блогеры, удар быў невыпадковым. Наводчык быў адназначна побач.
«Гэтая трагедыя павінна стаць раз і назаўжды напамінам жыхарам прыфрантавых гарадоў, ды і не толькі прыфрантавых. Асабліва тым жыхарам, дэпутатам, службовым асобам, на якіх і так палюе ГУР — не збірацца ў адным неабароненым месцы, палягчаючы ворагу задачу знішчыць усіх адной ракетай», — піша адзін з Z-блогераў.
Лісічанск перайшоў пад кантроль расійскіх войскаў у ліпені 2022 года пасля некалькі месяцаў працяглых баяў. Да вайны ў ім пражывала 110 тысяч чалавек. Цяпер — каля 37 тысяч.
Чытайце яшчэ:
У Валгаградзе гарэў буйны нафтаперапрацоўчы завод. Туды спікіраваў беспілотнік
Украінскія разведчыкі знішчылі ў Крыме расійскі ракетны катар
