Фота: нямецкая паліцыя / Bild
У аэрапорце Мюнхена выбарачна спынілі 66-гадовага грамадзяніна Украіны. Сярод адзення ў яго валізцы знайшлі тоўстыя пачкі купюр па 20 і 50 еўра. Усяго мужчына перавозіў 455 000 еўра. Ён збіраўся вылецець на Кіпр, піша Bild.
Пры надглядзе падарожнік паведаміў, што ў яго з сабой толькі 300 еўра. Затым ужо ў зоне пасадкі да яго падышоў іншы мужчына і перадаў невялікі чамадан. Гэта выклікала падазрэнне ў вартавых парадку.
Як заявілі Bild у мытнай службе, цяпер там высвятляюць, «ці з'яўляецца гэта адмываннем грошай, каму яны належаць і адкуль узяліся».
У любым выпадку ўкраінец больш не зможа іх убачыць. Хутчэй за ўсё, купюры канфіскуюць на карысць дзяржавы.
Чытайце таксама:
У мюнхенскім аэрапорце затрымалі Арнольда Шварцэнэгера
Спевака Хуліа Іглесіяса затрымалі ў аэрапорце з чамаданам ежы
