Затрыманы мінчук Аляксандр Майсеенка. Фота: ягоная старонка ў «Аднакласніках»
Затрыманаму Аляксандру Майсеенку 42 гады, ён мінчук. Мужчына скончыў Беларускі дзяржаўны эканамічны ўніверсітэт па спецыяльнасці «Фінансы і аўдыт».
Апошнія паўтара года працуе спецыялістам па продажах у кампаніі «Электратэма», якая стварае абсталяванне для электрычных сетах.
Аляксандр жанаты і мае траіх дзяцей — дачку і двух сыноў.
Мужчыну вінавацяць ва ўдзеле ў пратэстах і каментаванні ў тэлеграм-чатах. Праўда, на фота губазікаўцы дэманструюць толькі тое, як мужчына ідзе па ходніках.
Свой тэлеграм-акаўнт Аляксандр выдаліў у жніўні 2023-га, але ён «б'ецца» ботам Вока Бога, якім карыстаюцца губазікаўцы для рэпрэсій. Таксама ў яго было такое ж імя карыстальніка, як і e-mail, што магло яго выдаць.
«Наша Нiва» — крыніца якаснай інфармацыі і бастыён беларушчыны
ПАДТРЫМАЦЬ «НН»Чытайце таксама:
Як працуюць боты, якімі карыстаюцца губазікаўцы, і чаму не варта ў іх пісаць «дзеля жарту»
Тлумачым, якім чынам сілавікі знаходзяць карыстальнікаў Telegram і як гэтага пазбегнуць
