Фота: Гардарбуд
На прадпрыемстве «Гараўтамост», якое абслугоўвае аб'ект, адзначылі, што прыбіранне было праведзена «ў адпаведнасці з графікам».
«У нас на балансе 109 мастоў і пуцеправодаў, 45 тыс. кв. м пешаходнай і тратуарнай часткі… Гэта вялікая плошча, і ёсць чарговасць прыбірання. Збудаванні з вялікай праходнасцю прыбіральшчыкі тэрыторыі чысцяць у першую чаргу, а затым бяруцца за менш папулярныя аб'екты», — пракаментаваў «Мінск-Навінам сітуацыю дырэктар прадпрыемства Павел Важнік.
Фота: Гардарбуд
Мост ачысцілі ад снегу, пасыпалі супрацьгалалёднымі рэагентамі, але снег у Мінску працягвае ісці, а дата наступнага прыбірання не называецца.
«Іржавы мост» — адзін з найноўшых мастоў Мінска. Узвядзенне моста ад вуліцы Зыбіцкай да былой Другой гарадской бальніцы было запланавана ў рамках будаўніцтва гатэля Hilton. Ужо на этапе праектавання да яго прыляпілася назва «Ржавы», бо агароджа выканана з картэнавай сталі, колер якой нагадвае ржу.
Мост атрымаўся даволі стромкім па ўздыме, каб гарадскія службы маглі чысціць пойму Свіслачы і спакойна праплываць пад мостам. Адкрылі яго ў сярэдзіне кастрычніка 2022 года, але ўжо літаральна праз некалькі дзён праход па мосце перакрылі на час будаўніча-мантажных работ гатэля па суседстве. Потым мост працаваў яшчэ нейкі час, а ў лютым гэтага года на яго зноў стала нельга заходзіць, і зноў з той самай прычыны. Зноў ён адкрыўся ў красавіку 2023 года.
Калі мост адкрывалі, то абяцалі, што ўзімку ягонага замятання снегам не здарыцца: маўляў, пакрыццё будзе абсталяванае сістэмай супраць слізгання і будзе нават з падагрэвам.
Цяпер «Гарааўтамост» запэўнівае, што гэтая сістэма сапраўды прадугледжаная, але забудоўшчык яшчэ не перадаў прадпрыемству, якое абслугоўвае аб'ект, кабельную лінію электразабеспячэння для ўключэння «цёплай падлогі».
Па словах Паўла Важніка, «цяпер гэтыя перашкоды ліквідуюцца» і чакаецца, што сістэма запрацуе да канца года.
Чытайце таксама:
Мост цераз Прыпяць на дарозе Калінкавічы — Мазыр закрыюць на два гады
Архітэктары паказалі, як будзе выглядаць мост на бульвары Шаўчэнкі ў Брэсце пасля рэканструкцыі
Два пуцеправоды на Даўгабродскай і два ў цэнтры горада. Якія масты ў Мінску чакае рамонт
