Пускавая ўстаноўка NASAMS, усталяваная на грузавіку. Фота: Міністэрства абароны Літвы
Міністр нацыянальнай абароны Літвы Арвідас Анушаўскас, як піша выданне, заявіў, што пускавыя ўстаноўкі NASAMS «будуць інтэграваныя ў падраздзяленні агнявога кіравання УСУ, такім чынам дапаўняючы і пашыраючы аперацыйныя магчымасці сістэм NASAMS, падораных Нарвегіяй і ЗША».
«Наша падтрымка застаецца важным фактарам у абароне Украіны. Мы прыслухоўваемся да патрэб Украіны і заклікаем нашых саюзнікаў таксама іх пачуць», — сказаў Анушаўскас.
У чэрвені Агенцтва абаронных рэсурсаў пры Мінабароны Літвы падпісала кантракт з нарвежскай кампаніяй Kongsberg на набыццё пускавых установак NASAMS. Перад перадачай установак украінскія вайскоўцы прайшлі комплексную падрыхтоўку.
Разам з пускавымі ўстаноўкамі NASAMS Літва таксама перадала аўтамабілі, неабходныя для экіпажаў ракетных комплексаў.
Агульны кошт ваеннай дапамогі Літвы Украіне складае ўжо каля паўмільярда еўра.
У выдаткі бюджэту на 2024 год у Літве плануюць уключыць падтрымку Украіны на суму 340 мільёнаў еўра.
На гэтым тыдні прэзідэнт Уладзімір Зяленскі абвясціў, што на баявое дзяжурства заступілі новыя сістэмы супрацьпаветранай абароны NASAMS.
