Фота: «Наша Ніва»
Ці трэба пераводзіць стрэлкі беларусам?
У Беларусі не трэба, наша краіна, як і Расія, не пераводзіць стрэлкі з 2011 года.
Але нават калі вы і жывяце ў Еўропе, то сучасныя гаджэты, хутчэй за ўсё, самі перавядуцца. Застаецца перавесці толькі насценныя гадзіннікі, гадзіннікі на падлогу, таймеры ў духоўках і мікрахвалёўках.
Розніца ў часе паміж Мінскам, Вільняй, Рыгай і Кіевам будзе складаць адну гадзіну, з Варшавай і Берлінам — дзве.
Пераход на зімовы час крыху скарэктуе расклад аўтобусаў у заходнім кірунку. Самалёты на Захад не лётаюць, цягнікі не ходзяць.
Ну і матчы футбольнай Лігі чэмпіёнаў будуць пачынацца на гадзіну пазней.
Зімовы час у Еўропе, а таксама з першай нядзелі лістапада ў ЗША, будзе доўжыцца да апошняга тыдня сакавіка.
а ў расеі 7 дзён "неделя" - пэўна там 7 дзён нічога не робяць