Прэзідэнт ЗША Джо Байдэн. Фота: Evan Vucci / AP Photo
Прэзідэнт ЗША Джо Байдэн падчас сумеснай прэс-канферэнцыі з прэм'ер-міністрам Аўстраліі Энтані Албанізам заявіў, што ізраільцяне і палесцінцы павінны бяспечна адны для адных існаваць у дзвюх незалежных дзяржавах, перадае агенцтва Reuters.
Гэта, на думку Байдэна, павінна адбыцца пасля мірнага вырашэння крызісу ў Ізраілі.
«Крызіс паміж Ізраілем і Палесцінай павінен ісці па шляху міра, уключаючы ў сябе пункт аб суіснаванні дзвюх незалежных дзяржаў ізраільцян і палесцінцаў, а таксама супрацоўніцтва Ізраіля са сваімі арабскімі суседзямі», — сказаў Байдэн падчас прэс-канферэнцыі.
Разам з гэтым прэзідэнт ЗША раскрытыкаваў паводзіны ізраільскіх пасяленцаў на Заходнім беразе ракі Іярдан, дзе пераважна пражываюць палесцінцы.
«Я па-ранейшаму ўстрывожаны тым, што некаторыя ізраільскія пасяленцы паводзяць сябе па-экстрэмісцку, нападаючы на палесцінцаў на Заходнім беразе. Палесцінцы і ізраільцяне ў роўнай ступені заслугоўваюць таго, каб жыць сумесна ў бяспецы, годнасці і міры», — адзначыў Байдэн.
Ён таксама выказаў упэўненасць, што ХАМАС атакаваў Ізраіль з мэтай сарваць нармалізацыю адносін паміж Ізраілем і Саудаўскай Аравіяй, якая б аслабіла пазіцыі Ірана ў рэгіёне.
Чытайце таксама:
У ізраільскай арміі назвалі ўмову, пры якой адменяць наземную аперацыю ў Газе
Байдэн: Мы не можам дапусціць, каб такія тэрарысты, як ХАМАС, і такія тыраны, як Пуцін, перамаглі
