Карта «Мір». Фота: mil.ru
У Венесуэле пачала працаваць расійская аплатная сістэма «Мір», паведаміў віцэ-прэм'ер Расіі Аляксандр Новак, паведамляе РБК.
Новак адзначыў, што на тэрыторыі краіны карту «Мір» прымаюць больш за 80 тысяч тэрміналаў.
Да пачатку поўнамаштабнага ўварвання Расіі на Украіну карту «Мір» можна было выкарыстоўваць у 11 краінах — Беларусі, Арменіі, Паўднёвай Карэі, Узбекістане, Казахстане, Таджыкістане, Кыргызстане, В'етнаме, Турцыі і ў непрызнаных Паўднёвай Асеціі і Абхазіі. Пасля таго як Мінфін ЗША прыгразіў за супрацоўніцтва з аплатнай сістэмай санкцыямі, банкі некаторых з пералічаных краін перасталі прымаць карты «Мір».
У 2023 годзе сістэма «Мір» пачала працаваць на Кубе.
0
0
2
0
0
0
