Усё таму, што многія патэнцыйныя гаспадары не цікавяцца інфармацыяй пра гадаванцаў перад тым, як іх набываць, і ў выніку, самі таго не ведаючы, купляюць драпежніка, які імкліва змяняецца ў памерах.
Чырванавухія чарапахі для Гродзенскага заапарка робяцца сапраўдным болем. Сёння рэптылій у ім ужо больш за 25, і ахвотных пазбавіцца ад гадаванцаў робіцца ўсё больш.
Часам чарапах выпускаюць у прыроду, але часцей — прыносяць ва ўстанову для ўтрымання жывёл. Даходзіць да таго, што іх проста падкідаюць да брамы заапарка. У выніку экзатычныя паўзуны трапляюць пад колы машын, а ў найлепшым выпадку — на аперацыйны стол да ветэрынара.
З мінулага года ў Беларусі продаж і ўтрыманне чырванавухіх чарапах забаронены законам. Гэтыя гадаванцы дапоўнілі чорны спіс праз патэнцыйную небяспеку для ўладальніка і складанасці ў забеспячэнні ўмоў утрымання.
«Масава да нас звяртаюцца людзі, бо жывёлы перастаюць есці, у іх пачынаюцца атыты.
І калі пачынаеш ім распавядаць, што гэтыя чарапахі растуць даволі вялікімі, што яны з'яўляюцца драпежнікамі, што корм, які ім прапанавалі — гэта наогул не аснова рацыёну, і што патрэбны вялікі акварыум, і фільтры, і грэлкі спецыяльныя, і абсталяваць трэба так, каб да правадоў не было доступу, вядома, гэта ў людзей выклікае вялікі шок»,— распавяла Алена Камарэц, ветэрынарная доктарка Гродзенскага заапарка.
Акрамя таго, лячэнне экзатычных чарапах — працяглы працэс. Ветэрынары праз раз сутыкаюцца з тым, што гадамі яны ўтрымліваюцца ў няправільных умовах. Гэта прыводзіць да таго, што сімптомы выяўляюцца позна і дапамагчы жывёлам ужо нельга.
Апроч усяго іншага, вялікай праблемай чырванавухія чарапахі неўзабаве могуць стаць і для ўсёй беларускай прыроды. Бо яны — канкурэнты для беларускай балотнай чарапахі.
«Чырванавухая чарапаха — інвазіўны від, то-бок чужародны, яе натуральная тэрыторыя для жыцця ў прыродзе — поўдзень ЗША і Мексіка. А паколькі ў нас зімы ўжо сталі даволі цёплымі, чырванавухая чарапаха ўжо сустракаецца і ў нашых беларускіх вадаёмах, і наогул у многіх краінах Еўропы і Азіі, нават у Аўстралію завезеная, — расказала Таццяна Саўчук, лектар Гродзенскага заапарка. —
А паколькі гэта інвазіўны від, то яна можа парушыць прыродную экасістэму, а па-другое, можа быць пагрозай для існых відаў. Калі чырванавухая будзе так распаўсюджвацца ў вадаёмах Беларусі, ёсць пагроза што яна можа пасля выцесніць нашу балотную чарапаху».
Чытайце таксама:
Як сёння шкодзяць беларускай прыродзе старадаўнія штучныя каналы?
На Свіслачы ў Мінску знайшлі незвычайную чарапаху. Але цешыцца з гэтага не выпадае
У Гродне ў рацэ вылавілі рэдкую чырванавухую чарапаху. Яна жыве толькі ў ЗША і Мексіцы
Жыве 30 гадоў і сыходзіць у зімовую спячку. Дзе ў Беларусі можна сустрэць рэдкую балотную чарапаху?
- да? а вы ведаеце, што без належнага нагляду яна будзе доўга і пакутліва паміраць?
я адразу асяклася...
"А паколькі гэта інвазіўны від, то яна можа парушыць прыродную экасістэму, а па-другое, можа быць пагрозай для існуючых відаў."
а пра гэта ў нас дык увогуле мала хто думае