Дым узнімаецца пасля абстрэлу армянскіх пазіцый у Карабаху. 19 верасня 2023 года. Скрыншот з відэа: Stringer/Anadolu Agency via Getty Images
У мэтах «спынення шырокамаштабных правакацый», «раззбраення і вываду фармаванняў Узброеных Сіл Арменіі з нашых тэрыторый», «нейтралізацыі» ваеннай інфраструктуры і забеспячэння бяспекі мірных грамадзян Азербайджана «ў рэгіёне пачаты антытэрарыстычныя мерапрыемствы лакальнага характару», заявіла Азербайджанскае Мінабароны.
У Нагорным Карабаху гучыць паветраная трывога. Чуваць артылерыйская кананада, паведамляюць інфармацыйныя агенцтвы.
Mash паведамляе, што ў Сцепанакерце праблемы з мабільнай сувяззю.
Азербайджанскія СМІ апублікавалі відэа, на якім, як сцвярджаецца, паказаны момант знішчэння зенітна-ракетнага комплексу «Тор» армянскай арміі ў Нагорным Карабаху.
МЗС Азербайджана заявіла, што адзіным шляхам да міру ў Нагорным Карабаху з'яўляецца поўны вывад армянскіх УС і роспуск рэжыму ў Сцепанакерце (сталіца рэгіёна).
У Міністэрстве абароны Арменіі паведамілі, што Азербайджан сёння раніцай распаўсюдзіў дэзынфармацыю — у прыватнасці, аб абстрэле азербайджанскіх пазіцый мінулай ноччу.
Пазней Мінабароны Арменіі ацаніла сітуацыю на межах краіны на фоне абвастрэння сітуацыі як «адносна стабільную».
