Яніна Сакалоўская. Скрыншот з відэа тэлеканала «Россия 1»
Як паведамляе Следчы камітэт Расіі, журналістка Яніна Сакалоўская абвінавачваецца ў здзяйсненні злачынства, прадугледжанага пунктам «д» часткі 2 артыкула 207.3 Крымінальнага кодэкса Расійскай Федэрацыі (публічнае распаўсюджванне загадзя лжывай інфармацыі аб дзеяннях Узброеных сіл Расійскай Федэрацыі).
Па даных следства, Сакалоўская «з сакавіка па май 2022 года публічна распаўсюдзіла ў адкрытым доступе для неабмежаванага кола асоб у тэлеграм-канале пад выглядам дакладных паведамленняў загадзя лжывую інфармацыю аб дзеяннях Узброеных сіл Расійскай Федэрацыі супраць мірнага насельніцтва Украіны».
Як паведамляецца, у маскоўскай кватэры журналісткі правялі ператрусы.
Галоўная рэдактарка выдання «Известия на Украине» Яніна Сакалоўская была частай госцяй грамадска-палітычных шоу на расійскім тэлебачанні, прысвечаных пераважна тэме Украіны і Данбаса, у якасці падсаднога ўкраінскага «палітолага» ці «палітычнага эксперта».
Журналіст украінскага выдання «Детектор медіа» Яраслаў Зубчанка залічыў Сакалоўскую ў лік «фальшывых украінскіх гасцей» расійскіх тэлешоу, ахарактарызаваўшы яе як «хлуса», чалавека, які пазіцыянуе сябе экспертам па пэўных працэсах ва Украіне і на падставе гэтага хлусіць пра сітуацыю ў краіне пад выглядам абароны яе інтарэсаў.
Чытайце яшчэ:
Новы скандал на расійскім ТВ: са студыі выгналі ўкраінскую журналістку ВІДЭА
У Расіі затрымалі блогера і былога міністра абароны «ДНР» Ігара Стралкова (Гіркіна) — РБК
