Фота: labiennale.org
«Зялёная мяжа» — сярод дваццаці трох удзельнікаў асноўнай праграмы. Гэты фільм распавядае гісторыю сям’і сірыйскіх бежанцаў, адзінокай настаўніцы англійскай мовы з Афганістана і маладога памежніка, якія сустракаюцца на польска-беларускай мяжы падчас мігранцкага крызісу, справакаванага Лукашэнкам на беларуска-польскай мяжы
Сцэнар карціны, аўтарамі якога з’яўляюцца Агнешка Холанд, Габрыэла Лазаркевіч-Сецка і Мацей Пісук, не проста натхнёны рэальнымі падзеямі. «Даследаванні для фільма ўключалі сотні гадзін аналізу дакументаў, інтэрв’ю з бежанцамі, памежнікамі, жыхарамі памежжа, актывістамі і экспертамі», — адзначае Variety.
Асноўныя здымкі карціны адбываліся ў Польшчы.
Агнешка Холанд — слынная польская рэжысёрка і сцэнарыстка, аўтарка такіх карцін, як «След звера», «У змроку», «Перапісваючы Бетховена», «Поўнае зацьменне» ды іншых, вядомая сваёй бескампраміснай грамадзянскай пазіцыяй.
Сярод удзельнікаў асноўнага конкурсу Венецыянскага кінафестывалю таксама фільмы: Сафіі Копалы — «Прысцыла», Матэа Гароне — «Я капітан», Дэвіда Фінчара — «Забойца», Ёргаса Ланцімаса — «Бедныя рэчы», Рюсуке Хамагучы — «Д’ябал не існуе», Люка Бесона — «Dogman» Люка Бесона і іншых аўтараў.
80-ы Венецыянскі кінафестываль адбудзецца сёлета з 30 жніўня да 9 верасня.
Чытайце таксама:
«Апенгеймер»: кінапалатно, сатканае з мноства дэталяў, пра зло, якое расце пакрысе
Барбенгеймер: «Барбі» перамагла «Апенгеймера» (але ў выйгрышы ўвесь Галівуд)
