Праект карвета «Дзёрзкі». Фота: «Профіль»
Карабель, які пачалі распрацоўваць яшчэ ў 2013 годзе, а будаваць у 2016-м, разлічваючы да 2025 года ўвесці ў склад флоту не менш за тры адзінкі, у цяперашнім выглядзе не ўвойдзе ў склад флоту, як распавёў суразмоўца агенцтва.
Адзіны карабель серыі — карвет «Дзёрзкі», які быў закладзены на «Паўночнай верфі» і ўжо абышоўся расійскаму бюджэту ў 29 млрд рублёў (каля 310 млн даляраў), — са слоў крыніцы ТАСС, будзе перапраектаваны. Больш за 10 гадоў працы над караблём паказалі, што ён тэхнічна занадта складаны, а выдаткі на яго — занадта вялікія. Высокі каэфіцыент навізны і разліковы кошт не дазваляюць наладзіць яго серыйнае будаўніцтва, сказала крыніца ТАСС.
Будаўніцтва флоту было ўключана ў пералік прыярытэтаў маштабнай дзяржпраграмы ўзбраенняў, якая каштавала расійскаму бюджэту 20 трлн рублёў (каля 250 млрд даляраў) за апошнія 10 гадоў. На караблі для ВМФ выдзялялася каля 5 трлн рублёў (каля 55 млрд даляраў), з якіх палова павінна была пайсці на новыя распрацоўкі. Аднак санкцыі, уведзеныя спачатку пасля анексіі Крыма ў 2014 годзе, а пасля ў выніку развязвання Крамлём поўнамаштабнай вайны з Украінай, фактычна паралізавалі будаўніцтва расійскіх караблёў, у тым ліку грамадзянскіх.
Зрэшты, пра тое, што амбіцыйны праект 20386 у цяперашніх умовах невыканальны, расійскія спецыялісты пісалі яшчэ да пачатку вайны ва Украіне.
Чытайце таксама:
Беларусь адмовілася будаваць свой порт у Расіі
Дзмітрый Круты сказаў, што ў Беларусі неўзабаве будзе ўласны флот. Прынамсі, ён у гэта верыць
Збіццём «Кінжала» ўкраінцы пацвердзілі на практыцы тое, што было гіпотэзай — ЗША
