Суд Чыгуначнага раёна Гомеля за адно пасяджэнне прызнаў «экстрэмісцкімі» адразу 105 старонак у інтэрнэце 2
Згодна з абноўленым рэспубліканскім спісам экстрэмісцкіх матэрыялаў, 4 ліпеня ў судзе Чыгуначнага раёна Гомеля за адно пасяджэнне было прызнана «экстрэмісцкімі» ажно 105 інтэрнэт-старонак. Адзін іх пералік займае 13 старонак, піша «Вясна».
«Экстрэмісцкімі» ў Гомелі прызналі чаты дыяспар, гістарычныя тэлеграм-каналы, старонкі медыя, асабістыя профілі ў сацсетках і нават LinkedIn-старонкі.
Сярод прызнаных «экстрэмісцкімі» гэтым разам — сайты і сацсеткі інтэрнэт-газеты «Салідарнасць» і радыё «Унэт».