Марк скончыў 12-ю наваполацкую школу. Ён набраў максімальныя балы на ЦТ па рускай мове і матэматыцы. Таксама ў яго найвышэйшы бал у атэстаце і аўтаматычныя 100 балаў па фізіцы, бо ён мае па гэтым прадмеце дыплом рэспубліканскай алімпіяды.
«Па кожным прадмеце я рыхтаваўся разам са школьнымі настаўнікамі і самастойна, рэпетытараў у мяне ніколі не было, — расказаў Марк. — Даведаўшыся свае вынікі, я ў першую чаргу падзяліўся радасцю са сваімі настаўнікамі».
Марк захапляецца праграмаваннем, з'яўляецца выпускніком дзвюх змен Нацыянальнага дзіцячага тэхнапарку, а паступаць плануе на факультэт прыкладной матэматыкі і інфарматыкі ў БДУ.
Раней стала вядома, што максімальныя 400 балаў на тэсціраванні набралі Паліна Дычак з Ліды, Вольга Друшчыц з Жабінкаўскага раёна і Мілена Васько з Мазыра.
Чытайце таксама:
Рэктар Полацкага ўніверсітэта прызнаў, што большасць выкладчыкаў у 2020-м падтрымалі пратэсты
