Фота: Yumehana / Getty Images
Каб прыгатаваць замарожаны ёгурт з чарніцамі, спатрэбіцца:
- 2 шклянкі чарніц
- 2 сталовыя лыжкі мёду
- 2 шклянкі грэцкага ёгурту (можна ванільнага)
Як гатаваць:
- Здрабніце чарніцы ў кухонным камбайне ці блендары на высокай хуткасці, пакуль яны не ператворацца ў сумесь, якая па кансістэнцыі нагадвае смузі.
- Выліце густую чарнічную сумесь у вялікую міску. Умяшайце мёд. Дадайце ёгурт і вельмі акуратна ўсё перамяшайце. Калі вы хочаце арыгінальную афарбоўку, не змешвайце цалкам ёгурт і чарніцы — пакіньце асобна плямы белага і фіялетавага. Сумесь павінна быць густой. Пакаштуйце. Калі хочаце больш салодкае марожанае, можаце дадаць яшчэ трохі мёду.
- Раўнамерна выліце сумесь у кожную форму для замарозкі. Калі ў вас форма для эскімо і ёсць прарэзы для палачак, вы можаце ўставіць іх перад замарозкай — калі няма, замарозьце на 2 гадзіны, а затым змесціце ў сярэдзіну драўляную палачку для эскімо. Працягвайце замарожваць яшчэ 4-6 гадзін або на ноч. Потым пастаўце формачкі з марожаным пад цёплую ваду, каб пачастунак лёгка даставаўся. Ешце ў гарачы дзень!
Простае ёгуртнае марожанае
Калі вы хочаце прыгатаваць простае ёгуртнае марожанае, можна ўзяць:
- 1 літр (каля 3 шклянак) суцэльнамалочнага ёгурту
- 1/2 шклянкі густых вяршкоў
- ад 3/4 да 1 шклянкі цукру
Вяршкі ў гэтым рэцэпце дадаюцца для большай сметанковасці.
Змяшайце ўсе складнікі — ёгурт, вяршкі і цукар. Узбівайце, пакуль сумесь не набудзе кансістэнцыю густога малочнага кактэйлю ці мяккага марожанага.
Перакладзіце ў кантэйнер замарозьце ў маразільнай камеры да цвёрдага стану — прынамсі, на 6 гадзін ці на ноч.
Падсаладзіць дэсерт можна цукрам, згушчонкай, сіропам, таксама можна дадаць свежыя ягады.
Чытайце яшчэ:
Колькі можна з'есці чарэшні, каб не стала дрэнна
Чыа-пудынг — дэсерт, які запомніцца
Дэсерт з чарнасліву і грэцкіх арэхаў з вяршкамі: вытанчаны смак і суцэльная карысць
