У Польшчы адбылася ўрачыстая цырымонія Grand Press 2021, на якой Пачобута прызналі «Журналістам года-2021». Гэта ўжо другое такое прызнанне для журналіста, папярэдні раз яго ўзнагародзілі гэтай прэміяй у 2011 годзе. Тады ён таксама быў за кратамі.
Намеснік галоўнага рэдактара Gazety Wyborczej Яраслаў Курскі, які атрымаў узнагароду ад імя Пачобута, сказаў, што сітуацыя з журналістам ёсць «сведчаннем таго, што свабода слова не мае цаны і не падлягае абмеркаванню».
Актывіст не прызнанага ўладамі Саюза палякаў Андрэй Пачобут быў затрыманы 25 сакавіка. Яго вінавацяць у распальванні нацыянальнай варожасці (ч. 3 арт. 130 КК), яму пагражае ад 5 да 12 гадоў зняволення.
0
0
0
0
0
0
