Фота Надзеі Бужан
Адзначаецца, што з 1 сакавіка ў адпаведнасці з новым адміністрацыйным заканадаўствам прадугледжана магчымасць прыцягнення ўласнікаў транспартных сродкаў да адказнасці за ўсе парушэнні супраць бяспекі руху і эксплуатацыі транспарту на падставе іх фіксацыі адмысловымі тэхнічнымі сродкамі, якія працуюць у аўтаматычным рэжыме.
Акрамя фотафіксацыі перавышэння хуткасці і правілаў спынення/стаянкі арганізавана прыцягненне да адказнасці за кіраванне без тэхагляду.
Камеры фіксуюць факт удзелу транспартнага сродку ў дарожным руху, распазнаюць рэгістрацыйны знак і звяраюць яго з базай даных АІС «Белтэхагляд» на наяўнасць дазволу на допуск да ўдзелу ў дарожным руху.
Пры адсутнасці дазволу ў дачыненні да ўласніка выносіцца адпаведная пастанова. Калі парушэнне зафіксавана ўпершыню, уладальнік вызваляецца ад адміністрацыйнай адказнасці з вынясеннем яму папярэджання. У наступны раз уласнік будзе прыцягнуты да адказнасці ў выглядзе штрафу ў памеры 0,5 базавай велічыні (сёння 14,5 рубля). Пры гэтым да адказнасці прыцягваецца як фізічная, так і юрыдычная асоба-ўласнік або ўладальнік транспартнага сродку.
У адпаведнасці з палажэннямі новага КаАП, калі камеры зафіксуюць некалькі такіх парушэнняў на працягу сутак (з 00:00 да 23:59), уласнік транспартнага сродку будзе прыцягнуты да адміністрацыйнай адказнасці толькі адзін раз.
У выпадку нязгоды з прынятым рашэннем, яно можа быць абскарджана ў падраздзяленне ДАІ па месцы жыхарства на працягу месяца з дня атрымання копіі пастановы.
