Пра гэта паведаміў у сераду Інстытут Роберта Коха.
Агулам у свеце ад 7 да 13 снежня выявілі яшчэ 4,3 млн інфікаваных каранавірусам, гаворыцца ў эпідэміялагічным бюлетэні Сусветнай арганізацыі аховы здароўя (СААЗ).
Гэта рэкорд з пачатку пандэміі. Мінулы тыднёвы максімум быў зарэгістраваны ў перыяд з 16 па 22 лістапада. Тады ў свеце выявілі 4 млн новых хворых на COVID-19.
Амаль палова ўсіх новых выпадкаў заражэння — 2 млн — прыйшлася на Паўночную і Паўднёвую Амерыку. Больш за ўсё на ЗША — 1,45 млн чалавек. Гэта на 16% больш, чым за папярэдні тыдзень.
У пяцёрку краін-лідараў па тыднёвым прыросце таксама ўвайшлі Бразілія, Турцыя, Індыя і Расія.
Памерлі ў свеце за мінулы тыдзень 75 тыс. інфікаваных. Больш за ўсё смяротных зыходаў за гэты перыяд зарэгістравалі ў Еўропе — 34,4 тыс. У Італіі памерлі 4,5 тыс., у Расіі — 3,8 тыс. хворых. Больш за 3 тыс. ахвяр за тыдзень зарэгістравалі таксама ў Германіі і Вялікабрытаніі.
