Расійская дзяржкарпарацыя «Расатам» абмяркоўвае з Беларуссю магчымае будаўніцтва яшчэ адной АЭС і даследчага рэактара. Пра гэта заявіў генеральны дырэктар «Расатама» Аляксей Ліхачоў у відэазвароце да супрацоўнікаў прадпрыемстваў і арганізацый атамнай галіны, паведамляе БЕЛТА.
«Зусім нядаўна, 3 лістапада, быў падключаны да энергасістэмы і беларускі блок. Ён стаў першым блокам пакалення «тры плюс», які быў пабудаваны на еўрапейскім кантыненце, па-за межамі Расіі. Энергапуск беларускага блока ператварыўся ў падзею нацыянальнага маштабу, гэта сумесная перамога расійскіх і беларускіх спецыялістаў, якая спрыяе аб'яднанню людзей. Цяпер з кіраўніцтвам рэспублікі абмяркоўваем магчымае будаўніцтва яшчэ адной станцыі і даследчага рэактара», — сказаў Аляксей Ліхачоў.
