Міністр замежных спраў Венгрыі Пэтэр Сіярта заявіў пра салідарную з Польшчай, Літвой, Латвіяй і Эстоніяй пазіцыю сваёй краіны ў ацэнцы сітуацыі ў Беларусі.
У паведамленьні, разьмешчаным на афіцыйным сайце Міністэрства замежных спраў, Пэтэр Сіярта ўдакладніў, што гаворка ідзе аб неабходнасьці правесці ў Беларусі паўторныя выбары пры ўдзеле міжнародных назіральнікаў.
Пэтэр Сіярта дадаў, што гэтая пазіцыя была ўзгоднена ў часе ягоных тэлефонных размоў з калегамі з Літвы, Латвіі, Эстоніі і Польшчы, а пасля іх — у тэлефоннай размове прэм'ер-міністра Венгрыі Віктара Орбана з кіраўніком урада Польшчы Матэвушам Маравецкім.
0
0
0
0
0
0
