Валерый Цапкала ацэньвае ператрусы, затрыманні прыхільнікаў альтэрнатыўных кандыдатаў як спробу ціску. Ён таксама выказаў падтрымку ўсім прэтэндэнтам у кандыдаты і надзею, што ўсе дойдуць да стадыі рэгістрацыі. Пра гэта ён заявіў у каментары TUT.BY.
Фота Надзеі Бужан
— Тыя падзеі, якія адбываюцца вакол кандыдатаў і іх прыхільнікаў, я расцэньваю як спробу ціску. Але мы справімся і будзем ісці далей, паколькі бачым, як шмат выдатных людзей, сапраўдных грамадзян і патрыётаў у нас вераць. Вас жа, суайчыннікаў, я прашу задумацца толькі пра адно — мы, прэтэндэнты на вышэйшую пасаду, жылі і працавалі ў гэтай краіне, і ўсё ў нас было добра, ніякіх пытанняў з боку органаў або праблем з законам не ўзнікала, але як толькі мы вырашылі прапанаваць альтэрнатыўныя шляхі развіцця Беларусі і паўдзельнічаць у прэзідэнцкіх выбарах, дык адразу знайшліся скрынкі з «кампраматам» і пытанні з боку праваахоўнікаў. Вось такое супадзенне! Па-мойму, усё ясна без каментароў, — сказаў Валерый Цапкала.
Прэтэндэнт у прэзідэнты адзначыў, што цяпер усе павінны сабрацца і зрабіць усё законнае і магчымае ў рамках Канстытуцыі, «каб вярнуць ўладу народу».
— Вось таму нам патрэбны новы курс, новыя маладыя твары, каб назаўсёды скончыць з Беларуссю змрочнага мінулага і пабудаваць Беларусь светлай будучыні, — адзначыў Цапкала.
Штаб прэтэндэнта працуе ў штатным рэжыме, пікеты ўсюды выстаўляюцца.
