У аўторак умовы надвор'я ў Беларусі будзе вызначаць уплыў халодных няўстойлівых паветраных мас, паведамляе Tut.by.
Ноччу месцамі па краіне, а па Гомельскай і Магілёўскай вобласці на большай частцы пройдуць ападкі — дождж, магчымы мокры снег. Днём ападкі месцамі. Істотны дыскамфорт будзе ўносіць моцны парывісты вецер. Пахаладае. Ноччу -2…+4°С, днём +5…+10°С.
У сераду днём на большай частцы тэрыторыі краіны мокры снег, дождж. Галалёдзіца. Узмацненне ветру парывамі да 15-18 м/с. Ноччу -3…+2°С, днём +3…+10°С.
16 красавіка, у чацвер, часам ападкі — у асноўным дождж. Ноччу +1…+6°С, днём +8…+14°С, у паўднёвых раёнах месцамі да +16°С.
Згодна з папярэднім прагнозам, да канца тыдня характар надвор'я істотна не зменіцца. Захаваецца ветранае з ападкамі надвор'е, тэмпературны фон будзе паніжаны.
