Нацыянальны банк Беларусі накіраваў камерцыйным банкам рэкамендацыі па абслугоўванні фізічных асоб з улікам павышанага попыту на асобныя аперацыі.
У прыватнасці, банк указаў на недапушчальнасць неабгрунтаваных абмежаванняў і (або) узнагарод за правядзенне банкаўскіх аперацый. У тым ліку размова пра аперацыі, звязаныя з атрыманнем наяўных грошай з бягучых рахункаў (уключаючы рахункі, да якіх выпушчана ў абарачэнне банкаўская плацежная картка) і правядзеннем безнаяўных разлікаў.
Банкам таксама рэкамендавана не завышаць курс канверсіі пры зняцці фізічнымі асобамі наяўнай замежнай валюты, адрознай ад валюты бягучага банкаўскага рахунку, у тым ліку рахунку ўкладу, а таксама пры пералічэнні замежнай валюты па рахунках, адкрытых у розных замежных валютах.
Акрамя таго, ва ўмовах адсутнасці па аб'ектыўных прычынах дастатковага аб'ёму наяўных даляраў банкам неабходна падмацоўваць абменнікі іншай замежнай валютай.
Нацыянальны банк таксама звярнуў увагу банкаў на неабходнасць узважанага падыходу да ўстанаўлення розніцы паміж курсамі куплі і продажу замежнай валюты.
