Ад сёння за адну паездку ў наземным гарадскім грамадскім транспарце трэба заплаціць 65 капеек, пры продажы кіроўцам — 70 капеек, у аўтобусах экспрэсных маршрутаў — 80 капеек і 85 капеек адпаведна. Жэтон у метро будзе каштаваць 70 капеек.
Падаражэлі і праязныя. Безлімітны праязны на 30 сутак на два віды транспарту (аўтобус-метро, тралейбус-метро, трамвай-метро) каштуе 39 рублёў 3 капейкі (раней 37,54 руб.).
За безлімітныя праязныя на тры віды, у тым ліку метро (напрыклад, аўтобус-тралейбус-метро), на 30 сутак цяпер трэба заплаціць 47,74 руб. (раней 44,15 руб).
Аднак квіткі на адну паездку, набытыя па ранейшых тарыфах, дзейнічаюць на працягу 30 сутак з дня ўступлення ў сілу новых.
0
0
0
0
0
0
