У Мінску разглядаецца магчымасць стварэння адзінага электроннага рэсурсу для запісу ў гурткі і секцыі сістэмы дадатковай адукацыі анлайн, паведамілі БелТА ў Камітэце па адукацыі Мінгарвыканкама.
Пры ўсёй разнастайнасці аб'яднанняў па інтарэсах дзецям і іх бацькам няпроста разабрацца ў спектры прапануемых паслуг і выбраць гурток або секцыю. У сувязі з гэтым ёсць неабходнасць сістэматызацыі такой інфармацыі і стварэння адзінай базы, упэўнены ў камітэце. Гэта дасць магчымасць бацькам, не выходзячы з дома, запісаць дзіця ў любы гурток, а педагогам аператыўна фарміраваць спісы груп з неабходнымі звесткамі па кожным вучні.
Першым такі фармат у гэтым годзе выкарыстаў Цэнтр тэхнічнай і мастацкай творчасці дзяцей і моладзі Фрунзенскага раёна Мінска «Зорка».
