Больш за $ 33 тыс. спрабавалі вывезці праз беларускую мяжу без дэкларавання, паведамляе БелТА.
Інцыдэнт адбыўся ў аўтадарожным пункце пропуску «Урбаны». Пры правядзенні кантролю віцебскія мытнікі выявілі ў легкавым аўтамабілі Tоyota больш за $ 30 тыс., 3,5 тыс. расійскіх рублёў і каля 40 злотых, што ў агульным эквіваленце склала $ 33,2 тыс.
Грошы былі схаваныя па частках у розных месцах: у машыне, асабістым багажы і пры сабе ў пасажыра. Фізічныя асобы, якія перасякаюць мяжу на аўто, адмовіліся ад дэкларавання тавараў, а пасля выяўлення схаванай валюты не змаглі патлумачыць свае дзеянні.
Усе незадэклараваныя грошы канфіскаваны.
0
0
0
0
0
0