Старажытны брук пакінуць каля вакзала «Баранавічы-Палескія», паведаміў Intex-press Дзмітрый Ціхно, намеснік старшыні Баранавіцкага гарвыканкама.
Выбрукуюць пешаходную зону паміж прывакзальнай плошчай і вуліцай Фралянкова на тэрыторыі, дзе размешчаны памятныя знакі.
Завяршыць рэканструкцыю тэрыторыі каля вакзала «Баранавічы-Палескія» плануюць у кастрычніку.
Як паведамлялася раней, старадаўнюю брукаванку знайшлі пад асфальтам падчас рамонтных работ на прывакзальнай плошчы. Пра знаходку Intex-press паведаміў жыхар горада Віктар Мязяк. Мужчына быў занепакоены тым, што брук пачатку ХХ стагоддзя, разбіраюць і вязуць на перапрацоўку.
0
0
0
0
0
0
