12-гадовы хлопчык, які заблукаў у лесе ў Клічаўскім раёне, знойдзены больш чым за 20 кіламетраў ад месца, дзе ён прапаў, паведамляе прэс-служба Следчага камітэта. З ім усё добра.
У дзяжурную часць Клічаўскага РАУС патэлефанаваў жыхар вёскі Суша, які паведаміў, што яго 15-гадовы сын з прыяцелем сустрэлі хлопчыка ў вёсцы.
Хлопчык згубіўся паблізу вёскі Дубна Клічаўскага раёна.
Разам з сяброўкай сваёй маці ён адправіўся ў грыбы. Праз некалькі гадзін яны выйшлі на дарогу, але дзіця папрасілася ў лес зноў.
Жанчына яго адпусціла. Аднак неўзабаве хлопчык перастаў адгукацца.
Самастойныя пошукі да поспеху не прывялі, і жанчына звярнулася ў міліцыю.
0
0
0
0
0
0
