У Мінску знік грамадзянін Германіі — Марцін Майстэр (Martin Meister), паведаміў пошукава-выратавальны атрад «Анёл» на старонцы УКантакце.
Марціну Майстэру 29 гадоў. Ведае толькі нямецкую і англійскую мовы.
16 чэрвеня, каля 6:00, ён пайшоў з клуба Hide (Мінск, Кастрычніцкая, 19) і знік. Па месцы часовага пражывання не з'яўляўся. Пра яго месцазнаходжанне нічога не вядома.
Прыкметы: рост 190 см, вочы шэрыя, валасы цёмныя з сівізной. Апрануты ў бэжавыя штаны, шэрую кашулю і белыя кеды.
Усіх, хто валодае інфармацыяй пра Марціна, просяць патэлефанаваць па тэлефоне 7733 (для ўсіх мабільных аператараў) або 102.
0
0
0
0
0
0