Фота з асабістага архіва Ірыны Рыбнікавай
У Брацку загінула 15-гадовая чэмпіёнка Расіі па панкраціёне Ірына Рыбнікава. Як паведамляе телеграм-канал Mash, Ірыну знайшлі ў ваннай у яе кватэры.
Паводле асноўнай версіі, дзяўчына паставіла смартфон зараджацца і выпусціла яго ў ваду. Следчы камітэт Расіі пацвердзіў, што смерць наступіла з-за электратраўмы.
Ірына перамагла на першынстве Расіі два месяцы таму, у далейшым яна павінна была дэбютаваць у складзе зборнай.
Панкраціён — адроджаны старажытны алімпійскі від адзінаборстваў. Слова «панкраціён» паходзіць ад назвы баявога мастацтва, упершыню ўключанага ў спаборніцтвы антычных Алімпійскіх гульняў. Падчас змагання спартсменам можна ўжываць амаль усе прыёмы ўсіх вядомых відаў адзінаборстваў — вольнай барацьбы, грэка-рымскай барацьбы, самба, каратэ, бокса і інш.
