Каталонскі крызіс можа мець негатыўны эфект для эканомікі Іспаніі і прывесці да страты да €12 млрд ВУП у будучым годзе. Пра гэта паведаміў у сераду Незалежны орган па фіскальнай адказнасці, піша газета El Pais.
Паводле яе інфармацыі, ВУП краіны можа скараціцца на 0,4 — 1,2 працэнтных пункта ў 2018 годзе, што раўнасільна страце ад €4 млрд да €12 млрд у залежнасці ад таго, як доўга будзе доўжыцца канфлікт. Адзначаецца, што Каталонія дае каля 20% іспанскага ВУП, таму ўсё, што адбываецца ў рэгіёне, аказвае істотны ўплыў на сітуацыю ва ўсім каралеўстве. Раней прагноз росту эканомікі краіны на будучы год складаў 2,7%.
1 кастрычніка ў Каталоніі прайшло галасаванне па пытанні пра выхад рэгіёна са складу каралеўства. У ім прынялі ўдзел 2,28 млн з 5,31 млн каталонцаў, якія маюць права голасу, пры гэтым 90,18% удзельнікаў плебісцыту выказаліся за незалежнасць. Мадрыд лічыць гэты рэферэндум нелегітымным і адмаўляецца прызнаваць яго вынікі.
Афіцыйны Мадрыд даў кіраўніцтву аўтаноміі тэрмін да 10.00 па мясцовым часе 19 кастрычніка, каб адказаць на запыт, ці была абвешчаная незалежнасць. У адваротным выпадку Мадрыд можа прымяніць 155-ы артыкул канстытуцыі, які дазваляе абмежаваць самакіраванне Каталоніі.
