Аляксандр Лукашэнка 11-12 верасня зробіць афіцыйны візіт у Рэспубліку Індыя, паведамляе БелТА са спасылкай на прэс-службу.
Кіраўнік дзяржавы правядзе перамовы і шэраг афіцыйных сустрэч з кіраўніцтвам гэтай краіны, у тым ліку з прэзідэнтам Рамам Натху Кавіндам і прэм'ер-міністрам Нарэндра Модзі. Будзе абмяркоўвацца развіццё беларуска-індыйскага супрацоўніцтва, галоўным чынам у гандлёва-эканамічнай, палітычнай, навукова-тэхнічнай і гуманітарнай сферах, турызме.
На перамовах плануецца абмеркаваць і ўзаемадзеянне Беларусі і Індыі ў фармаце еўразійскай інтэграцыі, новыя магчымасці для інвестыцыйнага супрацоўніцтва.
Адначасова з візітам Аляксандра Лукашэнкі ў Нью-Дэлі адбудзецца індыйска-беларускі бізнэс-форум, на якім пройдуць перамовы паміж прадстаўнікамі дзелавых колаў.