У некалькіх тысяч жыхароў расійскага Кліна 13 чэрвеня па графіку прафілактычных работ адключылі гарачую ваду, паабяцаўшы ўключыць 27 чэрвеня.
У Мінску робіцца тое ж самае: адключаюць на два тыдні. Розніца ў тым, што клінчанам 27 чэрвеня ваду не ўключылі.
У раённай адміністрацыі жыхарам патлумачылі, што дамы на іх вуліцах абслугоўваюцца прыватнымі кацельнямі, якія завінавацілі за энергію, таму іх работу спынілі. 29 чэрвеня ўлады Кліна паабяцалі жыхарам пераразлік платы за ваду і вяртанне гарачай вады да 1 ліпеня, але нічога не адбылося.
У панядзелак, 3 ліпеня, жыхары выйшлі на мітынг, піша meduza.io
Спачатку, каля апоўдня, яны сабраліся на адной з вуліц горада, а затым спантанна рушылі да Ленінградскай шашы. Праз прыкладна паўгадзіны гараджане перакрылі рух па федэральнай трасе Масква — Санкт-Пецярбург у адзін бок. Людзі, якія сабраліся (каля 150 чалавек) скандавалі «Хочам памыцца!» І патрабавалі, каб да іх прыехала кіраўнік адміністрацыі Клінскага муніцыпальнага раёна.
Пасля дзённага супрацьстаяння вечарам у выніку гарачую ваду далі.
