Жыхар Манчэстэра Салман Абэдзі, які падазраецца ў здзяйсненні выбуху падчас канцэрта, вярнуўся з Лівіі за некалькі дзён да атакі.
Як стала вядома Бі-бі-сі, Абэдзі прыехаў у Англію з-за мяжы ў апошнія дні перад нападам.
Меркаваны тэрарыст-смяротнік вярнуўся з Лівіі, удакладняе газета Times. Школьны сябар Абэдзі, распавёў выданню, што Абэдзі з'ехаў туды тры тыдні таму і вярнуўся за некалькі дзён да выбуху.
Напярэдадні паліцыя паведаміла, што падазраваны ў здзяйсненні выбуху 22-гадовы малады чалавек нарадзіўся ў Манчэстэры, а яго сям'я была родам з Лівіі.
Паліцыя і спецслужбы спрабуюць высветліць, ці прайшоў ён падрыхтоўку ў лівійскім лагеры джыхадыстаў, дзе дзейнічаюць «Ісламская дзяржава» і «Аль-Каіда», піша Times.
«Ісламская дзяржава» напярэдадні ўзяла на сябе адказнасць за атаку на «Манчэстэр Арэне».