Павінна быць зроблена ўсё, каб парлямэнцкія выбары ў Беларусі ў 2008 годзе прайшлі адкрыта, дэмакратычна, у поўнай адпаведнасьці зь беларускім заканадаўствам. Аб гэтым сёньня заявіў Аляксандар Лукашэнка на нарадзе ў Менску.
«Гэта самая важная палітычная кампанія сёлета, — адзначыў кіраўнік дзяржавы. — Мы павінны ведаць, якія настроі людзей, чым яны не задаволены, па якіх пытаньнях крытыкуюць уладу».
Аляксандр Лукашэнка запатрабаваў ад памочнікаў — галоўных інспэктараў па абласьцях і Менску, а таксама ад упаўнаважаных прадстаўнікоў кіраўніка дзяржавы ў рэгіёнах аб’ектыўнай ацэнкі сацыяльна‑эканамічнай сытуацыі ў кожным рэгіёне краіны.