У Ашхабадзе праходзяць перамовы паміж прэзідэнтам Туркменістана Гурбангулы Бердымухамедавым і прэзідэнтам Беларусі Аляксандрам Лукашэнкам.
У Палацавым комплексе «Агузхан», пасля афіцыйнай цырымоніі сустрэчы высокага госця і прадстаўлення членаў ўрадавых дэлегацый дзвюх краін, туркмена-беларускія перамовы ў вярхах пачаліся з фармату «сам-насам», піша дзяржаўнае туркменскае агенцтва ТДХ.
Сярод асноўных тэм — перспектывы гандлёва-эканамічнага ўзаемадзеяння, праца па сумесных праектах у галіне турызму, вышэйшай адукацыі, культуры.
Чакаецца, што потым кіраўнікі дзяржаў возьмуць удзел у цырымоніі адкрыцця новага будынка пасольства Рэспублікі Беларусь у Туркменістане.
На заўтра намечана здача ў эксплуатацыю Гарлыкскага горна-абагачальнага камбіната, які туркменскі і беларускі лідары заклалі ў канцы 2009 года.
