У Мсціславе неасцярожны паварот экскаватара стаў прычынай смерці спецыяліста мясцовага райвыканкама.
Аб гэтым паведамілі ў Магілёўскім абласным упраўленні МНС.
9 верасня пры правядзенні работ па добраўпарадкаванні тэрыторыі, прылеглай да гарадской крыніцы на вул. Леніна ў Мсціславе, пры павароце платформы гусенічнага экскаватара быў траўмаваны 32-гадовы галоўны спецыяліст аддзела архітэктуры і будаўніцтва Мсціслаўскага райвыканкама.
Брыгадай хуткай медыцынскай дапамогі пацярпелы быў дастаўлены ў рэанімацыйнае аддзяленне раённай бальніцы. Атрыманыя траўмы аказаліся не сумяшчальнымі з жыццём.
Праверку па факце атрымання смяротнай траўмы праводзіць Мсціслаўскі РАУС.
0
0
0
0
0
0
