Фрунзенскае РУУС Мінска шукае мужчыну, які падазраецца ў крадзяжы. 9 снежня ў 0.30 каля дома №30 па вуліцы Адаеўскага трое маладых людзей размаўлялі, калі да іх далучыўся невядомы мужчына. Ён паводзіў сябе агрэсіўна, а затым пачаў біцца. Незнаёмец паваліў аднаго хлопца на снег, пабіў і забраў у яго 50 даляраў і 150 тысяч рублёў.
Двое прыяцеляў разгубіліся і не заступіліся за свайго сябрука.
Мужчыну зафіксавалі камеры у адной з крамаў недалёка ад месца здарэння. Цяпер яго шукае міліцыя.
Фрунзенскае РУУС звяртаецца да людзей, якія ведаюць чалавека на фота. Тэлефанаваць на нумар: (017) 252-02-02.
Гарантуецца ананімнасць і ўзнагарода.
0
0
0
0
0
0