Iłan Mask. Fota: Susan Walsh / AP
Pieršy čałaviek atrymaŭ niejračyp Neuralink, jaki dazvalaje z dapamohaj dumak vykarystoŭvać hadžety, paviedamiŭ Iłan Mask u X.
«Učora pieršy čałaviek atrymaŭ impłanty ad Neuralink i dobra adnaŭlajecca. Pieršapačatkovyja vyniki pakazvajuć šmatabiacalnaje vyjaŭleńnie niejronavych spajkaŭ», — napisaŭ jon.
Pa słovach Maska, pradukt nazyvajecca «Telepatyja», dziakujučy jamu možna «prosta padumaŭšy» kiravać telefonam, kampjutaram abo inšaj pryładaj.
Prajekt Neuralink byŭ zapuščany ŭ 2016 hodzie. Svoj prybor, jaki zdolny pieradavać sihnały mozhu pa Bluetooth, jana ŭpieršyniu pakazała ŭ lipieni 2019-ha.
Pryłada ŭjaŭlaje saboj kapsułu-pryjomnik, jakaja budzie macavacca za vucham, jak słychavy aparat, i ad jakoj da mozhu buduć iści nitkapadobnyja elektrody. Usiaho ŭ mozh impłantujuć da 1,5 tysiač elektrodaŭ, kožny ź jakich u čatyry razy tančejšy za čałaviečy vołas.
Adzin pracesar vieličynioj 4ch4 mm apracoŭvaje infarmacyju z 10 tysiač elektrodaŭ. Kabiel USB-C zabiaśpiečyć maksimalnuju prapusknuju zdolnaść dla pieradačy danych.
Čytajcie taksama:
Vyśvietliłasia, kolki budzie kaštavać ŭstanoŭka čypa Neuralink ad Iłana Maska dla zvyčajnych ludziej
Ustań i idzi. Kampanija Iłana Maska pačnie vyprabavańni mazhavych impłantaŭ na ludziach
