Раней мы расказвалі, з кім ажаніўся Раман Пратасевіч пасля свайго гвалтоўнага вяртання ў Беларусь: яго абранніцай другі раз запар стала Маргарыта Грыцкевіч.
Рыта і Рома.
Дзяўчына мае медыцынскую адукацыю па спецыяльнасці фармацэўт, але апошнім часам сур'ёзна захапілася эзатэрыкай і пазіцыянуе сябе як «вядзьмарку са стажам, таролага і экстрасэнса». Са сваёй сяброўкай яна вядзе інстаграм «Па картах», у якім выкладвае жартаўлівыя відэа на тэму варажбы.
А вось у асабістым тэлеграм-канале Маргарыты «Тут пра цёмнае» ўжо не да жартаў: там яна дзеліцца, як закладвае людзям нячысцікаў і разбіраецца ў механізмах сурокаў і чараўніцтва — у прыватнасці, каб праз магію звесці каханых ці, наадварот, разлучыць.
Маргарыта сцвярджае, што здольная адказаць і дапамагчы людзям з пытаннямі кшталту «Калі я выйду замуж?» ці «Як зняць псуту?».
Рыта дзеліцца вынікамі «рэтрыту» ў сваім тэлеграм-канале.
Пра практыкі, звязаныя з чорнай магіяй.
Там жа яна распавяла, што два з паловай гады вучылася ў шамана і нібыта мае дар яснабачання.
У працэсе варажбы.
У адным з жывых эфіраў на сваім ютуб-канале Пратасевіч абяцаў гледачам, што аднойчы запросіць да сябе ў кадр жонку і, магчыма, яны разам зробяць расклады на картах.
«Такая цудоўная калода, чорныя карты, з якімі я перыядычна працую, дапамагаю жонцы ў тым ліку… Увогуле, гэта цікавыя пачуцці, калі ты ўжо доўгі час захапляешся эзатэрыкай, вывучаеш розныя накірункі — некаторыя шукаюць там адказы на пытанні, а трэба шукаць веды і спазнанне самога сябе», — разважаў Раман у стрыме.
Пратасевіч з калодай карт.
Цікава, што Маргарыта расказвае знаёмым, што «Рома — ужо былы муж» і што яны «чатыры гады як не камунікуюць», хоць насамрэч іх неаднаразова бачылі разам у Мінску.
Так ці іначай, эфіру ў дуэце з жонкай так пакуль і не здарылася. Хутчэй за ўсё, пакуль што Раману не да актыўнага блогерства: днямі стала вядома, што суд наклаў на яго салідарны штраф на суму 24,5 мільёна рублёў. Раней Пратасевіч, па яго словах, жыў за кошт жонкі, бо на ім вісеў статус экстрэміста. Нядаўна ж расказаў, што скончыў курсы электрагазазваршчыка — цяпер ён спецыяліст 3-га разраду.
Чытайце таксама:
Падчас пратэстаў у Пінску міліцыю перакідвалі туды верталётам МНС. Рахунак выставілі Пратасевічу
«Нават свайго гатовыя змяшаць з брудам». Пратасевіч вылез на БТ з крыўдамі на былых калег
Сафія Сапега пра адносіны з Пратасевічам: Я б не назвала гэта каханнем
