Мінчанін вучыцца на завочным у адным са сталічных каледжаў. Аднойчы ён прыехаў на заняткі раней і вырашыў выпіць кавы. На лаўцы каля ўваходу ў каледж 48-гадовы мужчына ўбачыў забытыя кімсьці бесправадныя навушнікі і вырашыў забраць іх сабе.
Пасля заняткаў мінчанін адправіўся ў гандлёвы цэнтр на Ціміразева. Там ён прадаў навушнікі ў краме тэхнікі за 60 рублёў, пішуць «Мінск-Навіны».
Грошы мужчына патраціў на прадукты і кветкі жонцы. Неўзабаве да яго прыйшла міліцыя: уладальніца слухавак напісала заяву, мужчыну вылічылі па камерах. Страты дзяўчына ацаніла ў 550 рублёў.
У дачыненні да мінчаніна распачалі крымінальную справу за крадзеж. Яму пагражае да трох гадоў турмы. У мужчыны незнятая судзімасць. Суда мінчанін чакае на волі: яго адпусцілі пад асабістае паручальніцтва.
Чытайце таксама:
Беларускі ілюзіяніст заяўляў, што ўмее чытаць думкі. У Казахстане яго падманулі на $110 тысяч
57-гадовую беларуску моцна абдурыў «жаніх з Сірыі»
Чарговая схема: «Белпошта» папярэджвае пра паведамленні махляроў у месенджарах
