Лукашэнка распавёў, што ў 2023 годзе па лініі барацьбы з карупцыяй і эканамічнымі злачынствамі кожнае пятае злачынства датычыцца сферы АПК. Пераважаюць злачынствы, звязаныя са службовай падробкай, павялічылася колькасць крадзяжоў. Акрамя таго, у бягучым годзе пры кантролі за рухам жывёлы распачаты 104 крымінальныя справы за прыпіскі.
Лукашэнка прывёў канкрэтны прыклад па Любані Мінскай вобласці: «Не ведаю нават, як назваць гэтых людзей, дайшлі да таго, што канфіскоўвалі са скотамагільнікаў тушы заняпалай буйной рагатай жывёлы, разбіралі іх і прадавалі на «мяса» насельніцтву». Прычым гэтым займаліся і ветэрынары, і брыгадзіры сельгасарганізацый трох раёнаў Мінскай вобласці (Любанскага, Асіповіцкага і Старадарожскага)», — распавёў Лукашэнка.
Чытайце таксама:
Лукашэнка назваў 2023 год «амаль правальным» у сельскай гаспадарцы
https://nashaniva.com/340849