Фота: Камітэт судовых экспертызаў
На лецішча ў Пухавіцкім раёне гаспадары не наведваліся каля месяца. Калі ж гаспадыня туды прыехала, то пабачыла, што ў хаце гаспадарыў нехта чужы.
Міліцыянты ўстанавілі, што зламыснік пракраўся праз акно, а пасля звярнулі ўвагу на пакет са смеццем, у якім знайшлі бляшанкі з-пад кансерваў.
Як выявілася, злодзей залез у пусты дом, знайшоў і з'еў харчы, а затым усё за сабой прыбраў і пайшоў. Але на пакінутых ім бляшанках супрацоўнікі МУС знайшлі адбіткі пальцаў, якія адправілі на экспертызу.
Вынікі экспертызы паказалі, што сляды належаць мясцоваму жыхару 1982 года нараджэння. Зламысніка затрымалі і завялі супраць яго крымінальную справу паводле арт. 205 КК РБ. Мужчыну можа пагражаць да 4 гадоў пазбаўлення волі.
Чытайце таксама:
У Рэчыцы затрымалі дзвюх жанчын, якія кралі са свежых могілак штучныя кветкі і прадавалі іх у Гомелі
Вагонаважатая ў Мінску прысабечыла грошы пасажыркі: закрыўшы адзежай відэакамеру
Злодзей у абкрадзенай хаце пераабуўся ў новыя чаравікі, а свае стаптаныя пакінуў. Так яго і знайшлі
