Maps.google.com
Лінгвісты адхілілі прапанову змяніць назву дзяржавы Беларусь на латышскай мове. Пра гэта паведамілі агенцтву LETA ў цэнтры дзяржаўнай мовы.
У латышскай мове «Беларусь» пішацца як «Baltkrievija». Было прапанавана пачаць дыскусію аб змене назвы на латышскай на «Baltrutenia», а беларусаў, адпаведна, замест «baltkrievi» называць «baltrutēņi», піша Delfi.lv.
Камісія знаўцаў латышскай мовы Цэнтра дзяржмовы разгледзела гэтыя прапановы. У выніку лінгвісты вырашылі не падтрымліваць змены, пакінуўшы цяперашнюю назву — Baltkrievija.
Як паведамлялася, дырэктар Цэнтра дзяржмовы Марыс Балтыньш на пасяджэнні камісіі Сейма ў замежных справах заклікаў дэпутатаў устрымацца ад выкарыстання афіцыйнай другой назвы Грузіі — Сакартвела.
У маі мінулага года камісія рэкамендавала надалей інакш называць па-латышску Калінінградскую вобласць Расіі. Лінгвісты заявілі, што лепш выкарыстоўваць гістарычную назву Кенігсберг (Königsberg) або Каралаўчы (Karalauci).
Дарэчы, па-эстонску «Беларусь» — «Valgevene», па-фінску — «Valko-Venäjä».
Чытайце таксама:
Не Vitryssland, не Weißrussland, не Valko-Venäjä, а Беларусь на ўсіх мовах свету
Хто схаваў гісторыю Полацкай дзяржавы
Дыскусія аб «літвінізме». Што рабіць з беларускай перспектывы?