Порт у Керчы. Фота: Крым. Рэаліі
Расійскія сродкі СПА знішчылі дзевяць украінскіх беспілотнікаў над Чорным морам і Крымам, яшчэ восем дронаў перахопленыя, заявілі ў Мінабароны Расіі.
Абломкі аднаго са збітых беспілотнікаў упалі ў двары прыватнага дома ў сяле Арлоўка. Мужчына атрымаў пералом рукі.
Паводле мясцовых уладаў, сурʼёзных пашкоджанняў будынкаў і камунікацый у Севастопалі не зафіксавана.
Мінабароны РФ раней паведамляла, што ўвечары 4 лістапада УСУ нанеслі ракетны ўдар па суднабудаўнічым заводзе ў Керчы. Ракетай быў пашкоджаны адзін з караблёў на заводзе. У момант атакі там знаходзіўся адзін з самых сучасных караблёў ЧФ РФ — носьбіт крылатых ракет «Калібр».
Учора ў сеціве зʼявілася відэа з, як сцвярджаецца, момантам паражэння ракетай расійскага вайсковага карабля «Аскольд» у Керчы.
