Фота: Наша Ніва
Беларусь выказала сур'ёзную занепакоенасць у сувязі з рэзкім абвастрэннем сітуацыі ў Ізраілі, якое суправаджаецца чалавечымі ахвярамі. Пра гэта БелТА паведамілі ў прэс-службе Міністэрства замежных спраў.
«Лічым непрымальным любую праяву агрэсіі, а ахвяры сярод мірнага насельніцтва — недапушчальнымі, — падкрэслілі ў МЗС. — Заклікаем бакі супрацьстаяння прыняць тэрміновыя меры для дээскалацыі напружанасці ў рэгіёне».
У Беларусі перакананыя ў безальтэрнатыўнасці шляху прамых перамоў для доўгатэрміновага ўрэгулявання палесціна-ізраільскага крызісу, гаворыцца ў заяве МЗС.
Разам з тым у ведамстве адзначылі, што пакуль інфармацыі аб пацярпелых грамадзянах Беларусі ў пасольства не паступала.
Пасольства Беларусі ў Тэль-Авіве знаходзіцца ў кантакце з кампетэнтнымі органамі краіны знаходжання і пастаянна адсочвае сітуацыю, паведамляе МЗС.
Чытайце таксама:
ХАМАС захапіла сем ізраільскіх гарадкоў і пасёлкаў на мяжы сектара Газа
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)