Прэзент ад Лукашэнкі бразільскаму прэзідэнту перадаў пасол Беларусі Сяргей Лукашэвіч падчас сустрэчы з віцэ-прэзідэнтам Бразіліі Жэралду Алкміну. Фота: МЗС
Рэч у тым, што хакей з шайбай — від спорту, які не толькі ў Бразіліі, але і ва ўсёй Паўднёвай Амерыцы не мае папулярнасці і фактычна не развіваецца. Фармальна нацыянальная спартыўная федэрацыя гэтай краіны была прызнаная ІІХФ яшчэ ў 1984 годзе, але з таго часу бразільцы ніколі не рабілі спробаў сур'ёзна выйсці на міжнародную арэну. Увогуле першую гульню яны правялі толькі ў 2014 годзе са зборнай Мексікі, прайграўшы 0:16.
У сучаснай структуры хакейных чэмпіянатаў свету ёсць пяць дывізіёнаў рознага ўзроўню. У найніжэйшым, IV, сёлета гулялі каманды такіх «хакейных» краін, як Кувейт, Манголія, Інданезія і Філіпіны. Але бразільцы, як і іншыя паўднёваамерыканцы, не заяўляюцца нават туды — настолькі гэты від спорту ў іх непапулярны.
Краіны паводле ўдзелу ў чэмпіянаце свету па хакеі 2023 года. Фота: Вікіпедыя. Колер Беларусі і Бразіліі аднолькавы, але па розных прычынах
Дарэчы, адхіленая ад міжнародных спаборніцтваў разам з Беларуссю Расія ў якасці альтэрнатывы хоча арганізаваць хакейны турнір у рамках арганізацыі БРІКС, у якую ўваходзяць, акрамя Расіі, Бразілія, Індыя, Кітай і Паўднёваафрыканская Рэспубліка. На вышэйпададзенай карце можна наглядна ацаніць узровень гэтага турніру, калі яго ўдасца ўвасобіць у рэальнасць.
Чытайце таксама:
У гродзенскіх кінатэатрах замест сусветных навінак паказваюць беларускі хакей
Вядучаму хакейных матчаў Лукашэнкi паралізавала частку твару
